بی بی سی اردو ڈاٹ کام :Courtesy
وزیر اعظم کے پاس ذاتی گاڑی نہیں
یہ تفصیل پاکستان کے الیکشن کمیشن کی جانب سے بدھ کو جاری کی گئی ارکان پارلیمنٹ کے اثاثوں کی تفصیلات سے ظاہر ہوئی ہے۔
تفصیلات کے مطابق وزیر اعظم کے کُل اثاثے کی مالیت ایک کروڑ 94 لاکھ روپے ہے۔ ان کے پاس 63 لاکھ روپے کا پنجاب کے شہر ملتان میں مکان ہے، ایک کروڑ تیس لاکھ روپے کا بینک بیلنس ہے۔ اس کے علاوہ وہ دو سو تولے سونے کے مالک بھی ہیں۔ تاہم ان کے پاس گاڑی نہیں ہے۔
الیکشن کمیشن کی جانب سے جاری کردہ تفصیلات کے مطابق قومی اسمبلی میں قائد حزبِ اختلاف چوہدری نثار علی خان کے اثاثوں میں ملک کے مختلف شہروں میں چھ زمینیں ہیں، ایک مکان اور فیض آباد میں 98 کنال زمین اور پنجاب کے شہر چکری میں 430 کنال اراضی ہے۔ ان کے پاس ایک مرسڈیز گاڑی اور ایک پجیرو بھی ہے۔
عوامی نیشنل پارٹی کے قائد اسفندیار ولی کے کُل اثاثے تین کروڑ چار لاکھ روپے کے ہیں۔
مولانا فضل الرحمان کا ایک مکان ڈیرہ غازی خان میں ہے جس میں ان کا پانچواں حصہ ہے۔ ان کا ایک اور مکان شورکوٹ میں ہے جس کی مالیت پچیس لاک ہے۔ ان کے پاس چار لاکھ تین ہزار روپے نقدی بھی ہے۔
پاکستان مسلم لیگ قاف کے رہنما اور پنجاب کے سابق وزیر اعلیٰ چوہدری پرویز الٰہی کے اثاثوں میں دو مکانات ہیں جن کی مالیت ایک کروڑ بتیس لاکھ روپے ہے اور اس کے علاوہ نوے ایکڑ زمین بھی ہے۔ ان کے پاس ایک گاڑی بھی ہے جس کی مالیت دو کروڑ چھ لاکھ روپے ہے۔ نقدی میں ان کے پاس چار کروڑ چھ لاکھ روپے ہیں۔ سونے میں ان کے پاس پچاس اونس سونا ہے۔
Note: The viewpoint expressed in this article is solely that of the writer / news agency. "FATA Awareness Initiative" Team may not agree with the opinion presented.
.......................We Hope You find the info useful. Keep visiting this blog and remember to leave your feedback / comments / suggestions / requests.
With Regards,
"FATA Awareness Initiative" Team.
No comments:
Post a Comment